கேன்ஸ் திரைப்பட விழாவின் Marche du Film பிரிவில் வெற்றிகரமாக திரையிடப்பட்டு சர்வதேச கவனத்தை ஈர்த்துள்ள ‘பாலன் தி பாய்’ திரைப்படம், தற்போது தனது டிரெய்லர் வெளியீட்டின் மூலம் மேலும் எதிர்பார்ப்பை ஏற்படுத்தியுள்ளது.
படத்தின் அறிவிப்பு மற்றும் ஃபர்ஸ்ட் லுக் போஸ்டர் வெளியீட்டிலிருந்தே ரசிகர்களிடையே பெரும் ஆர்வத்தை கிளப்பியிருந்த நிலையில், தற்போது வெளியாகியுள்ள டிரெய்லர் ரசிகர்களின் வரவேற்பைப் பெற்று வருகிறது. இந்திய சினிமாவின் முன்னணி நடிகர்களான அஜய் தேவ்கன் (இந்தி), சூர்யா சிவகுமார் (தமிழ்), நாக சைதன்யா (தெலுங்கு), ராஜ் பி. ஷெட்டி (கன்னடம்) ஆகியோர் தங்களது சமூக வலைதளங்கள் மூலம் டிரெய்லரை வெளியிட்டு படக்குழுவுக்கு வாழ்த்து தெரிவித்துள்ளனர்.
அடையாளம், பொறுப்புணர்வு மற்றும் உயிர்பிழைப்பு போன்ற ஆழமான மனித உணர்வுகளை மையமாகக் கொண்டு உருவாகியுள்ள இந்த திரைப்படம், உணர்ச்சி, சஸ்பென்ஸ் மற்றும் பரபரப்பு நிறைந்த சினிமா அனுபவத்தை வழங்குகிறது. டிரெய்லரில் இடம்பெற்றுள்ள காட்சிகள், பார்வையாளர்களை சிந்திக்க வைக்கும் வகையிலும், கதையின் மர்மத்தை அதிகரிக்கும் வகையிலும் அமைந்துள்ளன.
இந்தப் படத்தை இயக்குநர் சிதம்பரம் இயக்கியுள்ள நிலையில், திரைக்கதையை ஜீத்து மாதவன் எழுதியுள்ளார். தனித்துவமான கதை சொல்லும் பாணிக்காக அறியப்படும் இரு படைப்பாளர்களின் கூட்டணி, திரைப்படத்தின் மீதான எதிர்பார்ப்பை மேலும் உயர்த்தியுள்ளது.
கே.வி.என். புரொடக்ஷன்ஸ் மற்றும் தெஸ்பியன் ஃபிலிம்ஸ் நிறுவனங்கள் இணைந்து தயாரித்துள்ள ‘பாலன் தி பாய்’, மலையாளம், தமிழ், தெலுங்கு, இந்தி மற்றும் கன்னடம் உள்ளிட்ட பல மொழிகளில் ஜூன் 19, 2026 அன்று உலகம் முழுவதும் திரையரங்குகளில் வெளியாக உள்ளது.
கேன்ஸ் திரைப்பட விழாவில் கிடைத்த வரவேற்பும், தற்போது முன்னணி நட்சத்திரங்கள் வெளியிட்டுள்ள டிரெய்லரும், ‘பாலன் தி பாய்’ திரைப்படத்தை இந்த ஆண்டின் முக்கியமான படங்களில் ஒன்றாக மாற்றியுள்ளன.
