பிரைம் ஷோ என்டர்டெய்ன்மென்ட் சார்பில் கே. நிரஞ்சன் ரெட்டி மற்றும் சைதன்யா ரெட்டி இணைந்து தயாரிக்கும் இப்படம், பான் இந்திய அளவில் உருவாகி வரும் ஆக்ஷன் திரைப்படமாகும். படப்பிடிப்பு நிறைவடைந்ததைத் தொடர்ந்து, தற்போது படக்குழுவினர் போஸ்ட் புரொடக்ஷன் பணிகளில் தீவிரமாக ஈடுபட்டு வருகின்றனர். சங்கராந்தி பண்டிகை கால வெளியீடாக இப்படம் களமிறங்குவதால், ரசிகர்கள் மத்தியில் எதிர்பார்ப்பு மேலும் அதிகரித்துள்ளது.
படக்குழு வெளியிட்டுள்ள புதிய போஸ்டரில் சாய் துர்கா தேஜ் இதுவரை காணாத அளவுக்கு தீவிரமான தோற்றத்தில் காட்சியளிக்கிறார். உடல் முழுவதும் காயங்களுடன், கையில் ஆயுதம் ஏந்தியபடி, சுற்றிலும் தீப்பிழம்புகள் சூழ்ந்த நிலையில் ஆக்ரோஷமாக நடந்து வரும் அவரது தோற்றம் ரசிகர்களின் கவனத்தை ஈர்த்துள்ளது. எரிந்து கொண்டிருக்கும் கட்டிடங்கள், புகை மற்றும் போர்க்களத்தைப் போன்ற சூழல், திரைப்படம் முழுவதும் இடம்பெறவுள்ள அதிரடி ஆக்ஷன் காட்சிகளின் பிரம்மாண்டத்தை உணர்த்துகிறது.
ஏற்கனவே வெளியான ‘அசுர ஆகமன’ முன்னோட்ட காட்சி மற்றும் பல்வேறு விளம்பர போஸ்டர்கள் ரசிகர்களிடம் நல்ல வரவேற்பைப் பெற்றிருந்தன. இந்நிலையில் படப்பிடிப்பு நிறைவடைந்துள்ளதால், படத்தின் அடுத்தகட்ட பணிகளில் படக்குழு கவனம் செலுத்தி வருகிறது. பிரம்மாண்டமான காட்சிகள் மற்றும் உயர்தர தொழில்நுட்ப அம்சங்களுடன் படத்தை உருவாக்கும் பணிகள் வேகமாக நடைபெற்று வருகின்றன.
பல பகுதிகளில் நடைபெற்ற இப்படத்தின் படப்பிடிப்பில் பிரம்மாண்டமான செட்கள் அமைக்கப்பட்டதுடன், மிகப்பெரிய அளவிலான ஆக்ஷன் காட்சிகளும் படமாக்கப்பட்டுள்ளன. நீண்ட காலமாக நடைபெற்று வந்த படப்பிடிப்பு தற்போது நிறைவடைந்திருப்பது படக்குழுவினருக்கு முக்கியமான மைல்கல்லாக அமைந்துள்ளது.
‘சம்பராலா ஏடி கட்டு – SYG’ படத்தில் சாய் துர்கா தேஜ் மிகவும் சக்திவாய்ந்த கதாபாத்திரத்தில் நடித்துள்ளார். இதுவரை அவர் ஏற்றிராத வித்தியாசமான தோற்றத்திலும், உடல் மொழியிலும் அவர் ரசிகர்களுக்கு புதிய அனுபவத்தை வழங்குவார் என எதிர்பார்க்கப்படுகிறது. உணர்வுப்பூர்வமான காட்சிகள், பிரம்மாண்டமான விஷுவல்கள் மற்றும் அதிரடி சண்டைக் காட்சிகளை ஒருங்கிணைத்து இயக்குநர் ரோஹித் கே.பி. இப்படத்தை உருவாக்கியுள்ளார்.
பாலிவுட்டின் முன்னணி நடிகர் ஒருவர் இப்படத்தில் முக்கிய கதாபாத்திரத்தில் நடித்திருப்பது, படத்தின் பான் இந்தியா கவனத்தை மேலும் அதிகரித்துள்ளது. அவருடன் ஐஸ்வர்ய லட்சுமி, ஜகபதி பாபு, சாய் குமார், ஸ்ரீகாந்த் மற்றும் அனன்யா நாகல்லா உள்ளிட்டோர் முக்கிய வேடங்களில் நடித்துள்ளனர்.
படத்தின் தொழில்நுட்பக் குழுவிலும் முன்னணி கலைஞர்கள் இடம்பெற்றுள்ளனர். வெற்றிவேல் பழனிச்சாமி ஒளிப்பதிவை மேற்கொள்ள, பி. அஜனீஷ் லோக்நாத் இசையமைக்கிறார். நவீன் விஜய் கிருஷ்ணா படத்தொகுப்பையும், காந்தி நதிக்குடிகர் தயாரிப்பு வடிவமைப்பையும் கவனித்துள்ளனர்.
படத்தின் ஆக்ஷன் காட்சிகளை பிரபல சண்டைப் பயிற்சி இயக்குநர்களான பீட்டர் ஹெய்ன், ராம் லக்ஷ்மன், சேத்தன் மற்றும் ப்ருத்வி ஆகியோர் வடிவமைத்துள்ளனர். பிரம்மாண்டமான அரங்கங்கள், தீவிரமான ஆக்ஷன் காட்சிகள் மற்றும் வலுவான கதைக்களம் ஆகியவற்றின் மூலம் ரசிகர்களுக்கு மிகப்பெரிய திரையரங்க அனுபவத்தை வழங்க படக்குழு திட்டமிட்டுள்ளது.
படப்பிடிப்பு நிறைவடைந்துள்ள நிலையில், தற்போது இறுதிக்கட்ட பணிகள் வேகமாக நடைபெற்று வருகின்றன. சாய் துர்கா தேஜின் வித்தியாசமான தோற்றம், பான் இந்திய நட்சத்திரங்களின் பங்களிப்பு மற்றும் பிரம்மாண்டமான ஆக்ஷன் காட்சிகள் ஆகியவற்றுடன் ‘சம்பராலா ஏடி கட்டு – SYG’, 2027 சங்கராந்தி வெளியீடுகளில் முக்கியமான படமாக அமையும் என எதிர்பார்க்கப்படுகிறது.
‘சம்பராலா ஏடி கட்டு – SYG’ – 2027 ஜனவரி 12 முதல் திரையரங்குகளில்!
