தமிழ் சினிமா மற்றும் பொழுதுபோக்கு உலகில் ரசிகர்களிடம் அதிக எதிர்பார்ப்பை ஏற்படுத்தியுள்ள திரைப்படங்கள், வெற்றிப் படங்களின் அடுத்த பாகங்கள், புதிய ஒரிஜினல் தொடர்கள், ரியாலிட்டி நிகழ்ச்சிகள் மற்றும் நேரலை விளையாட்டு நிகழ்வுகள் என பல்வேறு வகையான படைப்புகளை ஒரே தளத்தில் வழங்கும் வகையில் தமிழ் ZEE5 தனது புதிய உள்ளடக்கத் தொகுப்பை அறிவித்துள்ளது.
தமிழ் மொழியில் உருவாகும் திரைப்படங்களும் தொடர்களும் வெறும் பொழுதுபோக்காக மட்டுமின்றி, மக்களின் அன்றாட வாழ்க்கை, கலாச்சாரம் மற்றும் சமூக உரையாடல்களுடன் நெருக்கமான தொடர்பைக் கொண்டுள்ளன. தலைமுறைகள் கடந்து ரசிகர்களுடன் பயணிக்கும் கதைகள் மற்றும் கதாபாத்திரங்கள், அவர்களின் நினைவுகளிலும் உரையாடல்களிலும் முக்கிய இடம் பிடிக்கின்றன. இதனை கருத்தில் கொண்டு, தரமான மற்றும் அர்த்தமுள்ள கதைகளை தொடர்ந்து வழங்குவதில் தமிழ் ZEE5 கவனம் செலுத்தி வருகிறது.
அந்த வகையில், இந்த ஆண்டின் மிகவும் எதிர்பார்க்கப்படும் திரைப்படங்களில் ஒன்றான ‘ஜனநாயகன்’ தமிழ் ZEE5-ன் புதிய உள்ளடக்கத் தொகுப்பின் முக்கிய படைப்பாக இடம்பெறுகிறது. முதலமைச்சர் C. ஜோசப் விஜய்யின் திரைப்பயணத்தில் முக்கியமான படமாக அமையும் ‘ஜனநாயகன்’, அவரது அரசியல் பயணத்திற்குப் பிறகு வெளியாகும் முதல் திரைப்படமாகவும், அவரது இறுதி திரையரங்கப் படைப்பாகவும் குறிப்பிடப்படுகிறது. இதனால் இப்படம் ரசிகர்களிடம் கூடுதல் எதிர்பார்ப்பை ஏற்படுத்தியுள்ளது.
‘ஜனநாயகன்’ படத்துடன், பல்வேறு நட்சத்திரங்கள் நடித்துள்ள புதிய திரைப்படங்கள், பிரபலமான ஃபிராஞ்சைஸ்களின் தொடர்ச்சிகள் மற்றும் புதிய தலைமுறை படைப்பாளர்களின் ஒரிஜினல் உள்ளடக்கங்களும் தமிழ் ZEE5-ன் வரவிருக்கும் தொகுப்பில் இடம்பெறுகின்றன.
தமிழ்நாட்டின் முன்னணி தயாரிப்பு நிறுவனங்களான Dheeran Productions, Dream Warrior Pictures, KVM Productions, SS Group, 18 creators, Cocktail Cinemas, Passion Studios, Seven Screen Studios, Zee Studios, Drumsticks Production, Cinemum LLP மற்றும் Happy Unicorn ஆகிய நிறுவனங்களுடன் புதிய மற்றும் தொடர்ச்சியான கூட்டணிகளையும் தமிழ் ZEE5 அறிவித்துள்ளது.
திரையரங்கப் படைப்புகளின் வரிசையில், நயன்தாரா மற்றும் கவின் இணைந்து நடித்துள்ள ‘Hi’, அருள்நிதி மற்றும் பிரியா பவானி சங்கர் நடித்துள்ள ‘Demonte Colony’, கீர்த்தி சுரேஷ் நடிப்பில் உருவாகியுள்ள ‘Savithri’, ஹரிஷ் கல்யாண் நடிப்பில் ‘Nooru Kodi Vanavil’, அக்ஷய் குமார் மற்றும் பாசில் ஜோசப் நடிப்பில் உருவாகியுள்ள ‘Raawadi’ உள்ளிட்ட படங்கள் இடம்பெற்றுள்ளன.
இதனுடன், தமிழ் ZEE5-ல் ரசிகர்களிடம் வரவேற்பைப் பெற்ற ஒரிஜினல் படைப்புகளின் அடுத்த கட்டமாக ‘Koose Munisamy Veerappan 2’, ‘Regai 2’, ‘Vilangu 2’, ‘Thadayam 2’ மற்றும் ‘Sattamum 2’ உள்ளிட்ட தொடர்ச்சிகளும் வெளியாக உள்ளன.
புதிய தலைமுறை படைப்புகளுக்கும் இந்தத் தொகுப்பில் முக்கியத்துவம் அளிக்கப்பட்டுள்ளது. Anand Neelakandan நடிப்பில் ‘Ananthakaalam’, இயக்குநர் நெல்சன் உருவாக்கும் ‘Mix FM’, Cinemum தயாரிக்கும் ‘Octopus’ மற்றும் Muthukumar, Adithya Joshi, Lisha உள்ளிட்டோர் இடம்பெறும் ‘Thaai Mann’ ஆகிய புதிய ஒரிஜினல்கள் அறிமுகமாகின்றன. இதனுடன் ‘Thee Kural’ என்ற புதிய ரியாலிட்டி நிகழ்ச்சியும் பார்வையாளர்களுக்காக களமிறங்குகிறது.
ZEE5 நிறுவனத்தின் தமிழ், தெலுங்கு மற்றும் மலையாள மொழிகளுக்கான Business Head லாயிட் சேவியர் கூறுகையில், “ஜனநாயகனை தமிழ் ZEE5 தளத்திற்கு கொண்டு வருவதில் நாங்கள் பெருமிதம் கொள்கிறோம். இது ஒரு வெற்றிகரமான திரைப்படம் என்பதைக் கடந்து, முதலமைச்சர் C. ஜோசப் விஜய்யின் இறுதி திரையரங்கப் படைப்பாக இருப்பதால், ரசிகர்களுக்கு உணர்வுப்பூர்வமான முக்கியத்துவம் கொண்டதாகவும் அமைகிறது. குடும்பத்தினருடனும் நண்பர்களுடனும் ரசிகர்கள் மீண்டும் அந்த அனுபவத்தைப் பகிர்ந்துகொள்ளும் வாய்ப்பை வழங்குவது மகிழ்ச்சி அளிக்கிறது” என்றார்.
மேலும் அவர், “தமிழ் பார்வையாளர்களின் ரசனை மிகவும் பரந்தது. அதற்கேற்ப வெவ்வேறு குரல்கள், கதைக்களங்கள் மற்றும் கதை சொல்லும் பாணிகளைக் கொண்ட படைப்புகளை ஒரே தொகுப்பில் வழங்க முயற்சித்துள்ளோம். ‘Hi’, ‘Savithri’ போன்ற எதிர்பார்ப்பை ஏற்படுத்தியுள்ள திரைப்படங்களுடன், ‘Thadayam’, ‘Koose Munisamy Veerappan’ போன்ற வெற்றிகரமான தொடர்களின் அடுத்த பாகங்களையும், ‘Thee Kural’ போன்ற புதிய நிகழ்ச்சிகளையும் இணைத்துள்ளோம். படைப்பாளர்கள் தங்களது தனித்துவமான பார்வையில் கதைகளை உருவாக்குவதற்கான சுதந்திரத்தையும் தொடர்ந்து வழங்கி வருகிறோம்” என தெரிவித்தார்.
தமிழ் ZEE5-ன் புதிய உள்ளடக்கத் தொகுப்பு திரைப்படங்கள் மற்றும் ஒரிஜினல் தொடர்களுடன் மட்டும் நின்றுவிடாமல், AI தொழில்நுட்பத்தைப் பயன்படுத்தி உருவாக்கப்படும் கதைசொல்லல் படைப்புகளுக்கும் இடமளித்துள்ளது. ‘Garuda’, ‘Vikram Vetal’, ‘Shiv Sati’, ‘Chandrakanta’, ‘Tirupati Balaji’, ‘Barbarik Narmada’ மற்றும் ‘Ram Anjanay Yudh’ உள்ளிட்ட படைப்புகள் இதில் இடம்பெறுகின்றன. குழந்தைகளுக்காக ‘Kundaka Mandakka’ உள்ளிட்ட நிகழ்ச்சிகளும் வழங்கப்படுகின்றன.
விளையாட்டு ரசிகர்களுக்காகவும் தமிழ் ZEE5 தனது நேரலை விளையாட்டு தொகுப்பை விரிவுபடுத்தியுள்ளது. FIFA, Bundesliga, Coppa Italia, Supercoppa Italiana மற்றும் ILT20 உள்ளிட்ட முக்கிய விளையாட்டு தொடர்கள் இதில் இடம்பெறுகின்றன.
திரைப்படங்கள், வெப் தொடர்கள், ஒரிஜினல் நிகழ்ச்சிகள், ரியாலிட்டி ஷோக்கள், குழந்தைகளுக்கான உள்ளடக்கம், AI சார்ந்த கதைசொல்லல் மற்றும் நேரலை விளையாட்டு என பல்வேறு தளங்களில் பார்வையாளர்களின் ரசனைக்கு ஏற்ற படைப்புகளை ஒருங்கிணைத்து, தமிழ் ZEE5 தனது உள்ளடக்க வரம்பை மேலும் விரிவுபடுத்தியுள்ளது.
தமிழ் பார்வையாளர்களின் பல்வேறு வயது மற்றும் ரசனைக்கு ஏற்ற வகையில் புதிய அனுபவங்களை வழங்கும் நோக்கில் உருவாக்கப்பட்டுள்ள இந்த உள்ளடக்கத் தொகுப்பு, தமிழ் பொழுதுபோக்கு உலகில் புதிய எதிர்பார்ப்பை ஏற்படுத்தியுள்ளது.
